ავღანეთში აფეთქება მოხდა - დაიღუპა 24 ადამიანი

2017-06-22 13:04:26, 2846 ნახვა

მსოფლიო

ავღანეთის პროვინცია ჰელმანდში აფეთქება მოხდა, რის შედეგადაც სულ მცირე 24 ადამიანი დაიღუპა, - ამის შესახებ BBC იუწყება.

მედია საშუალების ინფორმაციით, აფეთქება ერთ-ერთი ბანკის შენობის მიმდებარე ტერიტორიაზე მოხდა. კერძოდ კი, ბანკთან გაჩერებული დანაღმული ავტომობილი აფეთქდა.

როგორც BBC წერს, აფეთქების შემდეგ შეიარაღებული თავდამსხმელები ბანკის შენობაში შეიჭრნენ. ამ წუთებში ბანკში სროლაა.

მედიის ცნობით, ინციდენტის შედეგად 60-მდე ადამიანი დაშავდა. დაღუპულთა და დაშავებულთა შორის არიან დაცვის სამსახურის წევრები და მშვიდობიანი მოსახლეობა. ინციდენტი ადგილობრივი დროით 12:00 საათზე მოხდა.

მომხდარზე პასუხისმგებლობა ჯერჯერობით არც ერთ ტერორისტულ დაჯგუფებას არ აუღია, თუმცა მედიის ინფორმაციით, ბოლო 1 თვის განმავლობაში მომხდარი ტერაქტების ორგანიზატორრები "ისლამური სახელწმიფო" და "თალიბანი" იყვნენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან