16 ივნისიდან საჯარო სკოლის მასწავლებლებისთვის  ანაზღაურებადი ბიულეტენის თანხის დაანგარიშების წესი იცვლება.

როგორც „ექსპრესნიუსს“ შრომის, ჯანმრთელობისა და სოციალური დაცვის სამინისტროდან აცნობეს, მინისტრის №87/ნ ბრძანებაში ცვლილებები შევიდა, რომლის მიხედვითაც, საჯარო სკოლის პედაგოგებისთვის დროებითი შრომისუუნარობის გამო დახმარების საერთო თანხის გამოანგარიშებისას, თანამდებობრივ სარგოსთან ერთად დანამატები იქნება გათვალისწინებული.

უფრო კონკრეტულად, ახალი მიდგომით, ბიულეტენის თანხა, მასწავლებლის თანამდებობრივი სარგოსა და თანამდებობრივ სარგოზე გათვალისწინებული დანამატების შეჯამებული რაოდენობიდან დაანგარიშდება. კერძოდ,  ბიულეტენის ანაზღაურებისას, შეჯამებულად დაითვლება როგორც პედაგოგის თანამდებობრივი სარგო, ასევე დანამატები და ზეგანკვეთური ანაზღაურება.

ცნობისთვის, ამ დრომდე პედაგოგებისთვის ანაზღაურებადი ბიულეტენის თანხის გაცემა  მხოლოდ თანამდებობრივ სარგოზე დაყრდნობით ხდებოდა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნანა სანდერი: ციხეში ჩემი ფიზიკური და ფსიქიკური ჯანმრთელობა საფრთხეშია

ფინანსური განათლების სასერტიფიკატო კურსს 100-მდე ახალგაზრდა დაესწრო - პროექტის მხარდამჭერია საქართველოს ბანკი

ევროკავშირმა და სომხეთმა დაკავშირებადობის სფეროში პარტნიორობის შესახებ შეთანხმება გააფორმეს

რასა იუკნევიჩიენე: სამხრეთ კავკასიაში ევროკავშირის პერსპექტივა ცოცხალია, თუმცა მესმის ქართველების იმედგაცრუება, რომ თბილისი ამის მიღმა დარჩა