„სასტუმრო „ბუდაპეშტის“  მოცულობითი მშენებლობა ვაკის პარკში არ უნდა განხორციელდეს“,-ამის შესახებ თბილისის მერმა დავით ნარმანიამ  დედაქალაქის მთავრობის სხდომის შემდეგ განაცხადა.
თბილისის მერი სასტურო „ბუდაპეშტიის“ ინვესტორებს მოუწოდებს, გადახედონ მშენებლობის პროექტის მოცულობა, რადგან არის იმის საშიშროება, რომ მომავალში უფრო მეტი ხე მოიჭრება.
„ვაკეში სასტუმრო „ბუდაპეშტის“ მშენებლობის საკითხი  ერთხელ უკვე განვიხილეთ და ჩვენი პოზიციაა, რომ ასეთი მოცულობითი მშენებლობა არ უნდა განხორციელდეს.  თუმცა მშენებლობის საკითხი ამჟამად სასამართლოშია გასაჩივრებული და მის ირგვლივ დავა მიმდინარეობს.  შესაბამისად,  ჩვენ სასამართლოს გადაწყვეტილებას ველოდებით, რადგან ჩვენი პოზიციიდან გამომდინარე მიგვაჩნია, რომ  შესაძლოა  მომავალში ხეების დამატებით გაჩეხვის აუცლებლობა გაჩნდეს.   კომპანიას ვთავაზობთ, რომ  სასტუმროს მშენებლობის პროექტის მოცულობას გადახედოს. რაც შეეხება დარღვევებს, გამოვლენილი იყო  მცირედი დარღვევა და ჩვენმა ზედამხედველობის სამსახურმა მასზე რეაგირება მოახდინა.  შედეგად კი, ობიექტი დაჯარიმდა“,-განაცხადა დავით ნარმანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

წლის საუკეთესო რისკებისა და შესაბამისობის პროექტი - თიბისი CyberSecurity Excellence Awards-ის გამარჯვებულია

ბაზისბანკის მობაილბანკის განახლებები, უფრო კომფორტული და თანამედროვე ციფრული გამოცდილებისთვის

საქართველოს ბანკის sCoolApp-ში მოსწავლეებისთვის ტრივიას ახალი სეზონი დაიწყო

თიბისის მოსწავლის ბარათი- მარტივი გზა ფინანსური დამოუკიდებლობისა და გონივრული ხარჯვისთვის