საქართველოს პარლამენტის თავმჯდომარის ირაკლი კობახიძის განცხადებით, სასამართლო სისტემასთან დაკავშირებით, ვენეციის კომისიის ერთ-ერთი რეკომენდაცია  მოსამართლეთა გამოსაცდელ ვადას ეხებოდა.

მისივე თქმით, ეს რეკომენდაცია პარლამენტის მხრიდან გათვალისწინებულია.

"კერძოდ, ჩვენ გვქონდა დამატებითი კონსულტაციები ვენეციის კომისიასთან და შევთავაზეთ, ჩაიდოს გარდამავალ დებულებებში დათქმა, რომ პრობაციის პერიოდი მოსამართლეებისთვის მხოლოდ 2025 წლამდე იმოქმედებს. ამის შემდეგ, 2025 წლიდან გადავალთ სრულად  უვადო გამწესების წესზე მოსამართლეებისათვის",-განაცხადა კობახიძემ.

მან ასევე აღნიშნა, რომ სასამარლო სისტემასთან დაკავშირებით, ვენეციის კომისიის  კიდევ ერთი რეკომენდაცია უზენაესი სასამართლოს მოსამართლეების გამწესებას, მათ არჩევას ეხებოდა. 

კერძოდ, კობახიძის განმარტებით, ვენეციის კომისიის რეკომენდაციაა, პარლამენტი უზენაესი სასამართლოს მოსამართლეების არჩევის პროცედურიდან გამოირიცხოს.

თუმცა, კობახიძე ფიქრობს, რომ უზენაესი სასამართლოს მოსამართლეების გამწესების პროცესში, პარლამენტის როლი გამოკვეთილი უნდა იყოს.

"დღეს როგორც მოგეხსენებათ, პარლამენტი ირჩევს უზენაესი სასამართლოს მოსამართლეებს და ვენეციის კომისიის რეკომენდაცია იყო, რომ პარლამენტი გამოვრიცხოთ ამ პროცედურიდან. თუმცა, ჩვენ ვფიქრობთ, არც ერთი სუბიექტი საქართველოში ამას არ მიესალმება. ვფიქრობთ, პარლამენტის როლი გამოკვეთილი უნდა იყოს უზენაესი სასამართლოს მოსამართლეების გამწესების პროცესში,-აღნიშნა კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა