მარტვილის მუნიციპალიტეტში ამ დრომდე ქორწინების საზეიმო სივრცე არ არსებობდა. წყვილები ქორწინებას საზეიმო რიტუალის გარეშე სახელმწიფო სერვისების განვითარების სააგენტოს მარტვილის ფილიალში არეგისტრირებდნენ.

ამიერიდან ნებისმიერ წყვილს საშუალება აქვს, ქორწინების რეგისტრაცია საზეიმო ცერემონიალის თანხლებით მარტვილის იუსტიციის სახლში მაღალი სტანდარტის, საქორწინო–სადღესასწაულო დიზაინით მოწყობილ ქორწინების სივრცეში დაგეგმოს.

ქორწინების სივრცის სამუშაო დღეებია: ორშაბათი, სამშაბათი, ოთხშაბათი, ხუთშაბათი, პარასკევი, ხოლო შაბათ-კვირას და საქართველოს კანონმდებლობით გათვალისწინებულ უქმე დღეებში ქორწინების რეგისტრაცია განხორციელდება მხოლოდ წინასწარ წარდგენილი განაცხადის საფუძველზე. მოქალაქეთა მიღება წარმოებს 09:30-დან 18:00 საათამდე.

2012 წლიდან იუსტიციის მინისტრის, თეა წულუკიანის, არაერთი ინიციატივის შედეგად, მკვეთრად გაუმჯობესდა ქორწინების ცერემონიალისთვის აუცილებელი ინფრასტრუქტურა და ატრიბუტიკა:

შემუშავდა ქორწინების მოწმობის განახლებული, მაღალი სტანდარტის დიზაინი;

ახალი ქორწინების სახლები გაიხსნა და სივრცეები მოეწყო: ახალქალაქში, ზუგდიდში, გორში, ფოთში, ლაგოდეხში, ბორჯომში, ყაზბეგში, თიანეთში, ონში. დაქორწინების მსურველი წყვილებისთვის იუსტიციის სასწავლო ცენტრის ყვარლის კომპლექსში სპეციალური სადღესასწაულო სივრცე მოეწყო;

ქორწინების რეგისტრატორებისთვის თანამედროვე დიზაინის ერთიანი სტანდარტით უნიფორმა შეიქმნა;

იუსტიციის სამინისტრომ და სახელმწიფო სერვისების განვითარების სააგენტომ აღადგინეს უძველესი ქართული ტრადიცია, რომლის თანახმადაც, ახალდაქორწინებულ ქალს ოჯახიდან მზითვად ატანდნენ „ვეფხისტყაოსანს“ − ფასდაუდებელ საუნჯეს და ახალი ოჯახის აუცილებელ ატრიბუტს.

სამზითვო „ვეფხისტყაოსანი“ ყოველ ახალდაქორწინებულ წყვილს, საზეიმო ცერემონიის ფარგლებში, ქორწინების მოწმობასთან ერთად გადაეცემა, როგორც სიყვარულის, ერთგულებისა და თანასწორობის სიმბოლო. „ვეფხისტყაოსნის“ სასაჩუქრე ეგზემპლარი გაფორმებულია ცნობილი ქართველი მხატვრის, სერგო ქობულაძის, ილუსტრაციებით, რომელთა ასლები გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის კვლევის ეროვნული ცენტრის ფოტოფიქსაციის ლაბორატორიაში ინახება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა

WSJ: აშშ-სა და ისრაელის დაბომბვებმა ირანს ბირთვული ბომბის შექმნის შესაძლებლობა არ წაართვა