ევროკავშირის კომისიის თავმჯდომარის ჟან-კლოდ იუნკერის განცხადებით, თურქეთი მოწადინებული არ არის რომ ევროკავშირში გაწევრიანდეს, - ამის შესახებ იუნკერმა Der Spiegel-თან საუბარში განაცხადა.

როგორც იუნკერმა აღნიშნა, ევროკავშირი თურქეთთან ურთიერთობის საკითხში კომპრომისზე წასვლას არ აპირებს.

″თუ ჩვენ ერდოღანთან მოლაპარაკებების გაგრძელებას ვაპირებთ, ეს იმას არ ნიშნავს, რომ მას დავუჩოქებთ″,-განაცხადა მან.

მისივე ინფორმაციით, ბოლო შეხვედრის დროს მან ერდოღანს განუმარტა, რომ თურქეთი გაწევრიანების საკითხში უფრო მკაფიო პოზიციას უნდა იკავებდეს.

იუნკერის თქმით, თურქეთი ცდილობს, რომ გაწევრიანების საკითხი გაჭიანურდეს და ეს  ევროკავშირს გადააბრალოს.

″როგორც ჩანს, თურქეთი ცდილობს ევროკავშირში გაწევრიანება დაბლოკოს და ამის პასუხისმგებლობა ბრიუსელს დააკისროს. ევროკავშირი, გაწევრიანების შესახებ მოლაპარაკებების შემწყვეტი მხარე არ იქნება. მე ხელშეკრულებების ერთგული ვარ. ჩვენ 1999 წელს ჰელსინკის სამიტზე თურქეთი კანდიდატ ქვეყნად გამოვაცხადეთ. ეს ჯერ კიდე ძალაშია″,- განაცხადა  იუნკერმა.

მან თურქეთს მოუწოდა ევროკავშირის წესებს პატივი სცეს და აღნიშნა, რომ ევროკავშირი საერთო ფასეულობების პატივისმცემი გაერთიანებაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ გამოაცხადა რუსული სტრატეგიული ბომბდამშენი Tu-95-ის და 12 ჩრდილოვანი ფლოტის ხომალდის განადგურების შესახებ.

ტრამპმა კობახიძეს დამოუკიდებლობის დღის მილოცვისთვის მადლობა გადაუხადა

ლიეტუვის საგარეო საქმეთა სამინისტრო: ევროკავშირი მზადაა ითანამშრომლოს სირიასთან, აფხაზეთის აღიარების უარყოფაზე

ComCom-მა ფორმულა ტერმინების გამო ამჯერად 5 000 ლარით დააჯარიმა