მსოფლიო კრივის ორგანიზაციის WBO-ს მოკრივის ბილი ჯო სანდერსის განცხადებით, ის ჩემპიონატს გამოეთიშა, რადგან ამერიკის შეერთებულ შტატებში დაკავებული ავთანდილ ხურციძის შემცვლელი ვერ მოიძებნა.

როგორც სანდერმა აღნიშნა, ის სერიოზული ბრალდებები რაც ხურციძეს აქვს წაყენებული, თავის პროფესიაში ბევრ შანს ართმევს.

„მე მას ახლოს არ ვიცნობ, თუმცა ის სერიოზული ბრალდებები რაც მას წაყენებული აქვს, ბევრ შანსს ართმევს თავის პროფესიაში. ჩემი აზრით, თუ მან მართლა ჩაიდინა მსგავსი რამ, საკუთარ თავს უნდა დააბრალოს. ვიცი, რომ ფანებს ისევ უნდათ რინგზე მნახონ, თუმცა ეს ასე მარტივი აღარ არის. ყველაფერს აქვს თავისი მიზეზი, ძალიან გულგატეხილი ვარ, მაგრამ ეს კრივია და ყველაფერი შეიძლება მოხდეს. გულშემატკივარს ბოდიშს ვუხდი", - აღნიშნა მოკრივემ.

შეგახსენებთ, რომ 8 ივლისს, Copper Box Arena-ზე ბრიტანელ ჩემპიონ ბილი ჯო სანდერსსა და WBO-ს ვერსიით დროებით მსოფლიო ჩემპიონ ავთანდილ ხურციძეს შორის ბრძოლა უნდა გამართულიყო, თუმცა ხურციძის დაკავების შემდეგ ორთაბრძოლა გადაიდო. მოგვიანებით ცნობილი გახდა, რომ ხურციძის შემცვლელი ვერ მოიძებნა, რის გამოც სანდერსი მსოფლიო ჩემპიონატს გამოეთიშა.

ცნობისთვის, ავთანდილ ხურციძეს 2-თვიანი წინასწარი პატიმრობა მიუსაჯეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს

მაღაზიების ძარცვის ბრალდებით, წარსულში ნასამართლევი 15 წლის მოზარდი დააკავეს

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი