აზერბაიჯანელი ჟურნალისტის ადვოკატის არჩილ ჩოფიკაშვილის შეფასებით, პრემიერ-მინისტრის განცხადება, თითქოს ჟურნალისტის გატაცებაში ქართველი სპეცსამსახურები არ მონაწილეობდნენ, ოჯახის წევრების მიერ აღიქმება მითითებად სამართალდამცავი ორგანოებისათვის, რომ ამ მიმართულებით რაიმე სახის საგამოძიებო ქმედებები არ ჩატარდეს. 

როგორც ჩოფიკაშვილმა აღნიშნა, გიორგი კვირიკაშვილმა ფაქტობრივად, სამართალდამცავ ორგანოებს მიუთითა, ვინაიდან ყოველგვარი გადამოწმებისა და გამოძიების გარეშე ამ საქმეში პოლიციელების მონაწილეობა გამორიცხა. 

„ის ფაქტი რომ საგამოძიებო ქვემდებარეობით პროკურატურა არ იძიებს ამ საქმეს და მუხთარლის დაზარალებულის სტატუსიც კი არ აქვს, მიანიშნებს იმას, რომ ეს მითითება შსს-ს მხრიდან სწორადაა აღქმული და სრულდება კიდეც, რაც დაუშვებელია, რადგან საერთაშორისო ორგანიზაციებთან და ელჩებთან კეთდება განსხვავებული განცხადებები, რომ აღნიშნული საქმე სრულყოფილად იქნება გამოძიებული“,- აცხადებს არჩილ ჩოფიკაშვილი.

ადვოკატმა იმედი გამოთქვა, რომ საქმეს ძიებაში პროკურატურა უახლოეს მომავალში მიიღებს მონაწიელობას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სუს: უცხო ქვეყნის სპეცსამსახურის ჯაშუშობის ბრალდებით დაკავებულია საქართველოს 1 მოქალაქე, მხილებულია 2

მოლდოვის სასამართლომ პრორუს ოლიგარქ ვლადიმერ პლაჰოტნიუკს 19-წლიანი პატიმრობა მიუსაჯა

უნგრეთის ვეტოს მოხსნის შემდეგ, EU-მა უკრაინისთვის €90 მლრდ-ის სესხის პაკეტი დაამტკიცა

სასამართლომ ალეკო ელისაშვილი კვლავ პატიმრობაში დატოვა