2017-06-06 11:22:22, 2470 ნახვა
მსოფლიო
მაიკ პენსი: ნატო-ს კარი ღია უნდა დარჩეს ახალი წევრებისთვის
ამერიკის შეერთებული შტატების ვიცე-პრეზიდენტის მაიკ პენსის განცხადებით, ნატო-ს კარი ახალი წევრებისთვის ღია უნდა დარჩეს
როგორც პენსიმ ალიანსის გენერალურ მდივანთან შეხვედრის დროს განაცხადა, აშშ ჩრდილოატლანტიკური ალიანსის „კოლექტიური თავდაცვის პრინციპის“ ერთგულია და „ერთ მოკავშირეზე თავდასხმა, ყველაზე თავდასხმას ნიშნავს“.
„რუსეთის მცდელობის გამო, ძალის გამოყენებით შეცვალოს საერთაშორისოდ აღიარებული საზღვრები, ირანის მცდელობის გამო, ახლო აღმოსავლეთში სიტუაციის დესტაბილიზაცია მოახდინოს და გლობალური ტერორიზმის მუქარის გამო, სამყარო დღეს გაცილებით საშიშია“, - განაცხადა მაიკ პენსმა.
ცნობისთვის, გუშინ მონტენეგრო ნატო-ს 29-ე წევრი გახდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
