სკოტლენდ იარდმა ლონდონის ტერაქტთან კავშირში ეჭვმიტანილი 12-ვე დაკავებული გაათავისუფლა, - ამის შესახებ BBC იუწყება.

მედია საშუალების ინფორმაციით, 12-ვე პირი ლონდონის ერთ-ერთ რაიონში, ბარკინგში ცხოვრობდა. აღსანიშნავია, რომ ამავე უბანში ტერაქტში ბრალდებული 2 პირის ცხოვრობდა. მათი ვინაობა სკოტლანდ იარდმა უკვე დაასახელა. 

ტელეკომპანია SkyNews-ის ცნობით, მიკროავტობუსში, რომლითაც თავდასხმელები გადაადგილდებოდნენ, სამართალდამცველებმა ე.წ. მოლოტოვის 3 კოქტეილი აღმოაჩინეს.

მედიისინფორმაციით, საფრანგეთის საგარეო უწყება კი, ამ დრომდე ეძებს ტერაქტის შემდეგ გაუჩინარებულ 2 მოქალაქეს. საფრანეთის მოქალაქეები ირიცხებიან თავდასხმის შედეგად დაღუპულთა და დაშავებულთა შორისაც. არსებული ინფორმაციით, ტერაქტის შედეგად 1 ფრანგი დაიღუპა და 8 დაშავდა. 

შეგახსენებთ, შაბათს  ლონდონში ინციდენტი  ორ ადგილას მოხდა. თავდაპირველად, ლონდონის დროით 22:15 საათზე მიკროავტობუსი ლონდონის ხიდზე მოქალაქეებს დაეჯახა, შემდეგ კი ბოროტმოქმედები მოქალაქეებს თავს  სავაჭრო  უბან  Borough Market-ში დაესხნენ, რომლის შედეგადაც, რამდენიმე ადამიანი დაიჭრა. ტერორისტული აქტის შედეგად, 7 ადამიანი დაიღუპა, 48 კი დაშავდა. მომხდარზე პასუხისმგებლობა "ისლამურმა სახელმწიფომ" აიღო. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაღაზიების ძარცვის ბრალდებით, წარსულში ნასამართლევი 15 წლის მოზარდი დააკავეს

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი

Amnesty International - საქართველოში ქალი მომიტინგეები ხდებოდნენ გენდერული და სექსუალური ძალადობის სამიზნე