გაერო-ს უშიშროების საბჭომ მიიღო რეზოლუცია, რომელიც ბირთვული და სარაკეტო პროგრამების გამოცდის საპასუხოდ, ჩრდილოეთ კორეის წინააღმდეგ სანქციების გაფართოებას ითვალისწინებს, - ამის შესახებ Reuters იუწყება.

მედია საშუალების ინფორმაციით, დოკუმენტის ე.წ. შავ სიაში 4 იურიდიული და 14 ფიზიკური პირი შევიდა.

როგორც დოკუმენტის ავტორები აღნიშნავენ, ისინი ჩრდილოეთ კორეის ქმედებების თანამონაწილეები არიან. სანქციები მათი სხვა ქვეყნებში შესვლის აკრძალვას და საზღვარგარეთ ფინანსური ანგარიშების დაყადაღებას ითვალისწინებს.

გარდა ამისა, ავტორები მოუწოდებენ ჩრდილოეთ კორეას, დაუყოვნებლივ შეწყვიტოს ბირთვული და სარაკეტო ტესტის ჩატარება.

ცნობისთვის, ჩრდილოეთ კორეის წინააღმდეგ სანქციების გაფართოების ინიციატივით აშშ-ის მუდმივი წარმომადგენელი გაეროში, ნიკი ჰეილი გამოვიდა. მისი განმარტებით, ბალისტიკური რაკეტების გამოცდის გამო, რომელიც გაეროს უშიშროების საბჭოს რეზოლუციებს არღვევს, ფხენიანის წინააღმდეგ სანქციების დაწესება აუცილებელი იყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Amnesty International - საქართველოში გამოხატვის თავისუფლების, გაერთიანებისა და მშვიდობიანი შეკრების უფლებები მკვეთრად შეიზღუდა

ტიმ კუკი Apple-ის აღმასრულებელი დირექტორის თანამდებობიდან ტოვებს, მას ჯონ ტერნუსი შეცვლის

Axios: ირანის უზენაესმა ლიდერმა ტრამპის ახალი მუქარის შემდეგ აშშ-სთან მოლაპარაკებების გაგრძელების ბრძანება გასცა

ესტონეთი ზელენსკის ბალტიისპირეთის ქვეყნებზე რუსეთის შესაძლო თავდასხმის შესახებ გაკეთებული განცხადებების გამო აკრიტიკებს