დღეიდან სამაშველო სამსახურმა სანაპირო ზოლზე მუშაობა ოფიციალურად  დაიწყო.

საზღვაო სეზონის გახსნასთან დაკავშირებით, იახტკლუბის მიმდებარე ტერიტორიაზე, შსს საგანგებო სიტუაციების მართვის სააგენტოს წყალზე სამაშველო სამსახურის განახლებული აღჭურვილობის  პრეზენტაცია გამართა. 

ღონისძიებას აჭარის მთავრობის თავმჯდომარე ზურაბ პატარაძე შინაგან საქმეთა მინისტრის მოადგილეებთან, დავით ვარდიაშვილთა და  მერაბ მალანიასთან ერთად დაესწრო. 

ხელმძღვანელმა პირებმა სამაშველო სამსახურის თანამშრომლებს სიტყვით მიმართეს და მადლობა გადაუხადეს გასულ სეზონზე მიღწეული წარმატებებისათვის. აჭარის მთავრობის თავმჯდომარემ მიმართვისას ხაზი გაუსვა სამაშველოს მომსახურების მნიშვნელობას. მისი თქმით, საზღვაო ქალაქისათვის მომსახურების თანამედროვე სტანდარტების დამკვიდრება და მაღალი დონე კიდევ უფრო შეუწყობს ხელს ჩვენი საზღვაო კურორტების უსაფრთხოებას  და რეგიონის პოპულარიზაციას. 

მაშველებმა წყალზე მცურავი საშუალებები წარმოადგინეს. სარფის მონაკვეთიდან  ჩოლოქამდე დამსვენებლების უსაფრთხოებაზე წელს  135 მაშველი იზრუნებს. შსს განხორციელდა შესყიდვების ციკლი, რის შედეგადაც გარემონტდა  არსებული ტექნიკა,  ახალი ეკიპირების შესყიდვა განხორციელდა მაშველებისთვის, ისინი აღჭურვილები არიან პირველადი სამედიცინო დახმარების აფთიაქებით, რაც მაშველებს საშუალებას მისცემს დაზარალებულებს აღმოუჩინონ პირველადი დახმარება.

ღონისძიებას  ასევე საქართველოს სამთავრობო დაცვის უფროსი ანზორ ჩუბინიძე, აჭარის ფინანსთა და ეკონომიკის მინისტრი რამაზ ბოლქვაძე და სხვა მოწვეული სტუმრები ესწრებოდნენ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს