ბათუმის დედათა და ბავშვთა ცენტრალურ ჰოსპიტალში ბავშვთა დაცვის დღე უფასო სამედიცინო აქციებით აღინიშნება

2017-06-01 12:41:20, 729 ნახვა

რეგიონი

მ. იაშვილის სახელობის ბათუმის დედათა და ბავშვთა ცენტრალურ ჰოსპიტალში ბავშვთა დაცვის საერთაშორისო დღე უფასო სამედიცინო კონსულტაციებითა და კვლევებით აღინიშნება.

აქციის მიმდინარეობის პროცესს აჭარის ჯანდაცვის მინისტრი ზაალ მიქელაძე, მინისტრის პირველი მოადგილე ლელა სურმანიძე და აჭარის უმაღლესი საბჭოს წარმომადგენლები გაეცნენ.

აჭარის ჯანდაცვის სამინისტროს ცნობით, აქციის ფარგლებში გათვალისწინებულია ნევროლოგის, ნეფროლოგის, პედიატრის, ორთოპედის, კარდიოლოგის, დერმატოლოგის, ალერგოლოგისა და ოტოლარინგოლოგის უფასო კონსულტაციები და გასინჯვები.

მათივე ცნობით ,საჭიროების შემთხვევაში ხორციელდება სისხლის და შარდის საერთო ანალიზები და კარდიოექოსკოპია. ასევე, ტარდება ქალთა გინეკოლოგიური გასინჯვები და ექოკსოპია. აქცია 16:00 სთ-მდე გაგრძელდება.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან