ბესელია აზერბაიჯანელ ჟურნალისტზე: გამოძიება თავისუფლების უკანონოდ აღკვეთის მუხლით დაიწყო, ეს ერთ-ერთი მძიმე მუხლია

2017-06-01 12:25:11, 2082 ნახვა

კომენტარი

პარლამენტის იურიდიულ საკითხთა კომიტეტის თავმჯდომარის, ეკა ბესელიას განცხადებით, აზერბაიჯანელი ჟურნალისტის საქმეზე გამოძიების დაწყება სწორი გადაწყვეტილებაა.

მისივე თქმით, საქმეზე გამოძიება თავისუფლების უკანონოდ აღკვეთის მუხლით დაიწყო და ეს ერთ-ერთი მძიმე მუხლია.

"გამოძიების პირველადი შედეგები უნდა მივიღოთ, კონკრეტულად რა მოხდა და ეს ვისი პასუხისმგებლობის საკითხი უნდა იყოს. გამოძიების დაწყება სწორი გადაწყვეტილებაა და მოთხოვნა, რომ უსაფრთხოების სამსახურის ხელმძღვანელი ან რომელიმე მინისტრი გადადგეს, ეს "ნაციონალური მოძრაობის" ოცნება და სურვილია. ამ ოცნებებით და სურვილებით ვერ ვივლით და გამოძიების პირველადი მონაცემებით უნდა გავარკვიოთ, რა მოხდა, რომ სწორი სამართლებრივი შეფასებები გაკეთდეს", - აღნიშნა დეპუტატმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან