თბილისის მერიის  სსიპ ქონების მართვის სააგენტოსა და დედაქალაქში საზოგადოებრივი საპირფარეშოების მოწყობის მიზნით გამართულ აუქციონში  გამარჯვებულშპს„კონსალტინგ  გრუპს“ შორის ხელშეკრულება გაფორმდა.

ხელშეკრულება წლის ბოლომდე,თბილისში,  30 საზოგადოებრივისაპირფარეშოსმოწყობას ითვალისწინებს.

ხელშეკრულებას ხელი თბილისის მერიის  სსიპ ქონების მართვის სააგენტოს ხელმძღვანელმა კარლო ლაფერაძემ  და შპს„კონსალტინგ  გრუპის“ დირექტორმა შაჰრიარ მოჰამმადიასლმა მოაწერეს.

მერიის ინფორმაციით  დედაქალაქის სხვადასხვა რაიონში საზოგადოებრივი ტუალეტების  მოსაწყობად  30 ადგილი აუქციონში გამარჯვებულ კომპანიას ოცწლიანი სარგებლობის უფლებით გადაეცა. 

„თბილისის მერიამ, პირველ ეტაპზე,  უზრუნველყო 30 ერთეული რეტერატისთვის ადგილის გამოყოფა, სადაც საზოგადოებრივი საპირფარეშოები განთავსდება. ჩვენი პრინციპული მოთხოვნაა, რომ რეტერატები მსუბუქი კონსტრუქციის, ავტომატიზირებული და შეზღუდული შესაძლებლობების მქონე პირებისთვის ხელმისაწვდომი იყოს. ამ მიმართულებით თბილისის მერია მომავალში აქტიურად იმუშავებს და საჭიროებების გათვალისწინებით,საზოგადოებრივ რეტერატებს ქალაქის მასშტაბით სრულად განათავსებს“-განაცხადა კარლო ლაფერაძემ.

ხელშეკრულების მიხედვით, თბილისის სხვადასხვა რაიონში განთავსებული  საზოგადოებრივი საპირფარეშოები შეზღუდული შესაძლებლობების მქონე პირებისთვის ადაპტირებული და, ასევე,  ბავშვის გამოსაცვლელი მაგიდით აღჭურვილი იქნება. საინფორმაციო წარწერებზე  გათვალისწინებული იქნება ბრაილის შრიფტი.

თანამედროვე, ავტომატიზირებული და  ანტივანდალური მასალებით მოპირკეთებული  საზოგადოებრივი საპირფარეშოს მოვლა-პატრონობასადასანიტარულ-ჰიგიენური ნორმების დაცვას  აუქციონში გამარჯვებული კომპანია უზრუნველყოფს. მოიჯარე ვალდებულია უზრუნველყოს ცხელი ხაზის მუშაობა კვირაში 7 დღის განმავლობაში, 24-საათიანი სამუშაო რეჟიმით.

საზოგადოებრივი საპირფარეშოს გამოყენება შესაძლებელი იქნება როგორც ნაღდი ანგარიშსწორებით, ასევე  სპეციალური ბარათების (მაგ. „მეტრომანი“) მეშვეობით.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მედვედევმა ფაშინიანს და ზელენსკის „ორი უტვინო რუსოფობი“ უწოდა

ზელენსკიმ 5-6 მაისის ღამეს ცეცხლის შეწყვეტა გამოაცხადა

ჩერნობილის კატასტროფის სამაშველო სამუშაოების ხელმძღვანელმა და РХБЗ სამხედრო ძალების უფროსმა- გენერალმა თავი მოიკლა

გვარამია- პირველად ისტორიაში, ევროკავშირთან ბევრად ახლოს და რუსეთისგან ბევრად შორს არიან სომხები