2017-05-30 13:14:31, 2425 ნახვა
სამართალი კომენტარი
ადვოკატი: მათ უნდათ ზემდგომებიდან აიღონ ნებართვა, დაუშვან თუ არა ომბუდსმენი სასამართლო პროცესზე
დეკანოზ გიორგი მამალაძის ადვოკატის, გიორგი ფანცულაიას განცხადებით, სასამართლო ელოდება ნებართვას იმის თაობაზე, მისცეს თუ არა სახალხო დამცველს პროცესზე დასწრების უფლება.
როგორც ფანცულაიამ ჟურნალისტებს განუცხადა, აღნიშნულის მიზეზია ის, რომ სიმართლის ეშინიათ.
„მათ უნდათ, ზემდგომებიდან აიღონ ნებართვა, მოახდინონ თუ არა სახალხო დამცველის დასწრება. ეს დღეები ალბათ იქნება განხილვა ზემდგომ თანამდებობებში იმის თაობაზე, დაუშვან თუ არა პროცესზე უჩა ნანუაშვილი. მათ ეშინიათ და გაურბიან სიმართლეს“, - აღნიშნა ფანცულაიამ.
შეგახსენებთ, ე.წ. ციანიდის საქმის სასამართლო სხდომაზე მოსამართლემ სახალხო დამცველ უჩა ნანუაშვილი არ დაუშვა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
