მუსტაფა ემრე ჩაბუქის გათავისუფლების მოთხოვნით, ონლაინ-პეტიცია შეიქმნა

2017-05-27 14:42:18, 2328 ნახვა

საზოგადოება

დემირელის კოლეჯისა და საქართველოში მისი პარტნიორი სკოლების დამფუძნებლების ნდობით აღჭურვილი პირის, მუსტაფა ემრე ჩაბუქის გათავისუფლების მოთხოვნით, ონლაინ-პეტიცია გავრცელდა.

ამ დროისთვის პეტიციას 600-მდე მოქალაქემ მოაწერა ხელი.

მოქალაქეები, რომლებიც პეტიციას ხელს აწერენ, საქართველოს პრეზიდენტ გიორგი მარგველაშვილს, პარლამენტის თავმჯდომარე ირაკლი კობახიძესა და იუსტიციის მინისტრ თეა წულუკიანს მიმართავენ.

დოკუმენტის ტექსტში აღნიშნულია, რომ ჩაბუქი უდაშაულოა, ხოლო თურქეთის ხელისუფლების ბრალდებები - უსაფუძვლოა.

პეტიციაში ნათქვამია, რომ თურქეთის ხელისუფლება საქართველოს მთავრობაზე ზეწოლას ახდენს.

შეგახსენებთ, რომ მუსტაფა ემრე ჩაბუქს წინასაექსტრადიციო 3-თვიანი პატიმრობა შეეფარდა. თურქული მხარე მას ტერორისტულ ორგანიზაციასთან თანამშრომლობას ედავება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან