|
2017-05-24 13:52:54, 1790 ნახვა
საზოგადოება
„ერთი დღე აკადემიაში“ - შსს–ს აკადემიაში ახალი პროექტის პრეზენტაცია გაიმართა
შსს-ს აკადემიაში ახალი საგანმანათლებლო პროექტის - „ერთი დღე აკადემიაში“ პრეზენტაცია გაიმართა. ღონისძიებას შს მინისტრის მოადგილე შალვა ხუციშვილი, განათლებისა და მეცნიერების მინისტრის მოადგილე ლია გიგაური და შსს-ს აკადემიის რექტორი გივი მიქანაძე ესწრებოდნენ. შსს-ს აკადემია ახალი პროექტს საქართველოს განათლებისა და მეცნიერების სამინისტროსთან თანამშრომლობით ახორციელებს. პროექტის ფარგლებში, შსს-ს აკადემიის თანამშრომლების, ლექტორებისა და ინსტრუქტორების მხარდაჭერით, საჯარო სკოლის მოსწავლეებს საშუალება ეძლევათ, მონაწილეობა მიიღონ საგანმანათლებლო სასწავლო კურსებსა და პრაქტიკულ სამუშაოებში შემდეგი მიმართულებებით: პირველადი სამედიცინო დახმარება; სამგზავრო დოკუმენტები; კრიმინალისტიკა; ვირტუალური ტირი; ხელჩართული ბრძოლის ილეთები; შსს-ს არქივში დაცული საქართველოს თანამედროვე ისტორიის საარქივო მასალები. საპილოტე პროექტში მონაწილეობას შსს-ს აკადემიის ოფიციალურ ვებ-გვერდზე - www.policeacademy.gov.ge დარეგისტრირებული საჯარო სკოლების მოსწავლეები მიიღებენ. პროგრამა როგორც თეორიული ცოდნის გაღრმავებას, ასევე პრაქტიკული უნარ-ჩვევების გამომუშავებას მოიცავს. სასწავლო კურსის გავლის შემდეგ მოსწავლეებს ტესტირება ჩაუტარდებათ. ტესტირების შედეგების მიხედვით გამოვლინდებიან გამარჯვებულები. პირველი, მეორე და მესამე ადგილის მფლობელებს შესაბამის სერთიფიკატებთან ერთად პრიზები გადაეცემათ. ტესტირების ყველა მონაწილე ასევე მიიღებს პროგრამაში მონაწილეობის შესახებ სერთიფიკატსა და სამახსოვრო საჩუქრებს, აკადემიის სიმბოლიკით. პროექტის მიზანია შსს-ს აკადემიის პოპულარიზაცია, პოლიციის როლის უკეთ წარმოჩენა და შსს-ს აკადემიაში მიმდინარე პროგრამებისა და პრიორიტეტების შესახებ მოსწავლეების ინფორმირება.
(NS)
კობახიძე ამბობს, რომ დიუშენით დაავადებული ბავშვებისთვის არც 1 და არც 50 თეთრი არ ენანება, თუმცა ფარმაცევტულ მაფიაზე მტკიცებულებების გარეშე საუბრობს
მაკა ბოჭორიშვილი: უკრაინასთან ურთიერთობები ორმხრივი უნდა იყოს
ელენე ხოშტარია - მთელი გულით და გონებით მიხარია სომხეთის ასეთი გარღვევა
კობახიძემ ერევანში სააკაშვილი და ოპოზიციის ალიანსი გალანძღა
|
რედაქტორის რჩევით
რა მეთოდები გამოიყენება ჟურნალისტებისა და მედიის დისკრედიტაციისთვის
რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო
ომი უკრაინაში
რუსეთმა ოდესაზე მასშტაბური დარტყმა განახორციელა
ოდესაში, რუსული სამხედრო თავდასხმის შედეგად 16 ადამიანი დაშავდა
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)