საქართველოს სოფლის მეურნეობის მინისტრის პირველი მოადგილე, ნოდარ კერესელიძე ინდონეზიის რესპუბლიკის პარლამენტის ვიცე სპიკერს, ფადლი ზონს შეხვდა. 

შეხვედრა სოფლის მეურნეობის სამინისტროში შედგა, სადაც საქართველოსა და ინდონეზიას შორის სოფლის მეურნეობის კუთხით თანამშრომლობის საკითხები განიხილეს

საუბარი შეეხო სავაჭრო-ეკონომიკური ურთიერთობების, კერძოდ, სასოფლო-სამეურნეო პროდუქტების ექსპორტ-იმპორტის გააქტიურების მნიშვნელობას.

საქართველოს სოფლის მეურნეობის მინისტრის პირველმა მოადგილემ, ქვეყანაში სოფლის მეურნეობის დარგის განვითარების მიმართულებით, განხორციელებულ ღონისძიებებზე და სახელმწიფო პროგრამებზე ისაუბრა.

ნოდარ კერესელიძემ ყურადღება ქართული სასოფლო-სამეურნეო პროდუქციის წარმოების ზრდაზე და  მის საექსპორტო პოტენციალზე  გაამახვილა.

როგორც შეხვედრაზე ინდონეზიის რესპუბლიკის პარლამენტის ვიცე სპიკერმა, ფადლი ზონმა აღნიშნა, ინდონეზია საქართველოდან სასოფლო-სამეურნეო პროდუქციის, კერძოდ, თხილისა და კაკლოვანი კულტურების, მინერალური წყლებისა და უალკოჰოლო სასმელების, ხილისა და ბოსტნეულის წვენების, ასევე მინერალური და ორგანული სასუქების იმპორტით არის დაინტერესებული.

საუბარი, ასევე, შეეხო ინდონეზიიდან  საქართველოში ყავისა და ტროპიკული ხილის იმპორტის შესაძლებლობებს.

შეხვედრაზე მხარეებმა სოფლის მეურნეობის სამეცნიერო-კვლევითი მიმართულებით თანამშრომლობის საკითხებიც განიხილეს.

აღინიშნა, რომ საქართველოში ორგანული და ბიო ჩაის წარმოების დიდი პოტენციალი არსებობს. ინდონეზიას კი  ჩაის წარმოების დიდი გამოცდილება აქვს. შესაბამისად, ამ მიმართულებით თანამშრომლობა ორივე მხარისთვის შედეგიანი იქნება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”