ევროკავშირის საბჭომ უკრაინის ვიზალიბერალიზაციას მხარი დაუჭირა, - ამის შესახებ BBC იუწყება.

მედია საშუალების ინფორმაციით, ეს უკანასკნელი საფეხურია, რომელიც უკრაინას უვიზო მიმოსვლის პროცედურების ამოქმედებამდე უნდა გადაელახა.

რაც შეეხება პროცედურებს, ევროპარლამენტის პრეზიდენტმა საკონანმდებლო აქტს ხელი უნდა მოაწეროს, რის შემდეგადაც აქტი ევროკავშირის ოფიციალურ ჟურნალში გამოქვეყნდება. 

უვიზო მიმოსვლა ჟურნალში გამოქვეყნებიდან 21-ე დღეს ამოქმედდება. საკანონმდებლო აქტს ხელს 17 მაისს მოაწერენ. 

აღნიშნულ გადაწყვეტილებას უკრაინის პრეზიდენტი პეტრო პოროშენკო უკვე გამოეხმაურა. მან აღნიშნა, რომ სტრასბურგში გაემგზავრება და აქტის ხელმოწერას დაესწრება. 

"ჩვენ ეს შევძელით! ევროკავშირის საბჭომ მხარი დაგვიჭირა. 17 მაისს სტრასბურგში გავემგზავრება, სადაც საკანონმდებლო აქტის ხელმოწერის საზეიმო ღონისძიება გაიმართება. ეს ალბათ, ჩემი 3-წლიანი პრეზიდენტობის განმავლობაში, ყველაზე მნიშვნელოვანი ვიზიტი იქნება. ევროკავშირის საბჭოს გადაწყვეტილება გაცილებით მეტია, ვიდრე საზღვარზე შესვლის გამარტივებული წესი. ეს ევროპისკენ, ჩვენი ქვეყნის დამოუკიდებლობისკენ გადადგმული დიდი ნაბიჯია. ჩვენ ვწყვეტთ კავშირს პოსტსაბჭოთა წარსულთან და უფრო და უფრო ვხდებით ერთიანი ევროპული სივრცის ნაწილი", - აღნიშნა პოროშენკომ. 

ცნობისთვის, უკრაინის მოქალაქეები ევროკავშირში უვიზოდ მოგზაურობას 11 ივნისიდან შეძლებენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით