დღევანდელ პროცესზე მხარეები მტკიცებულებებს წარადგენენ, რის შემდეგაც მოსამართლე მათ დასაშვებობაზე იმსჯელებს.

დეკანოზის ადვოკატები მოითხოვენ, რომ პროცესი ღია იყოს. მათივე განცხადებით, თუ პროკურატურა პროცესის დახურვას მოითხოვს, ეს დამატებით კითხვებს გააჩენს.

დაცვის მხარე დღეს სასამართლოს აღკვეთის ღონისძიების შეცვლისა და გირაოთი გათავისუფლების შუამდგომლობით მიმართავს.

ცნობისთვის, დეკანოზ გიორგი მამალაძეს თანამდებობრივი მდგომარეობის და მატერიალური სარგებლის შენარჩუნების მოტივით, ანგარებით განზრახ მკვლელობის მომზადება ედება ბრალად (სსკ-ის 18, 109-ე მუხლის მე-3 ნაწილის „გ" ქვეპუნქტით (განზრახ მკვლელობის მომზადება ანგარებით), რაც  სასჯელის სახედ და ზომად ითვალისწინებს 16-დან 20 წლამდე  თავისუფლების აღკვეთას).

გარდა აღნიშნულისა, გიორგი მამალაძეს ბრალი წარდგენილი აქვს ცეცხლსასროლი იარაღის მართლსაწინააღმდეგო შეძენა-შენახვისთვის, საქართველოს სსკ-ის  236-ე მუხლის მე-2 ნაწილით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The National Interest: ახალი ინიციატივა შესაძლოა ცენტრალურ აზიასა და სამხრეთ კავკასიაში ძალთა ბალანსს შეცვლის

საბერძნეთი შეუერთდა რუსეთის აგრესიის საკითხთან დაკავშირებით სპეციალური ტრიბუნალს

პუტინმა უგულებელყო ტუაფსეში მომხდარი „დიდი ეკოლოგიური კატასტროფა“

ჯუანშერ ბურჭულაძეს 10-წლიანი პატიმრობა მიესაჯა