თბილისის მერი დავით ნარმანია ყატარის სახელმწიფოს საგანგებო და სრულუფლებიან ელჩს საქართველოში მუბარაქ ბინ ნასერ ალ-ხალიფას შეხვდა.

თბილისის მერიის ინფორმაციით, დედაქალაქის მერიაში გამართულ გაცნობითი ხასიათის შეხვედრაზე მხარეებმა განსაკუთრებული ყურადღება თბილისსა და დოჰას, როგორც ორ დაძმობილებულ ქალაქს შორის არსებული ურთიერთობების გაღრმავების აუცილებლობაზე გაამახვილეს.

მათივე ინფორმაციით, მხარეებმა ურთიერთთანამშრომლობის შემდგომი გაძლიერების პერსპექტივებზე იმსჯელეს.

 ყატარის საგანგებო და სრულუფლებიანმა ელჩმა აღნიშნა, რომ თბილისს მდიდარი საინვესტიციო პოტენციალი აქვს, რითიც ყატარის სახელმწიფო დაინტერესებულია.

დავით ნარმანიამ კი, თავის მხრივ, მუბარაქ ბინ ნასერ ალ-ხალიფას მსხვილი საინვესტიციო პროექტების შესახებ მიაწოდა ინფორმაცია.

ყატარის სახელმწიფოს ელჩმა, შეხვედრის დასასრულს, თბილისის მერს საქართველოს მოქალაქეებისთვის შენგენის სივრცეში უვიზო მიმოსვლის ამოქმედება მიულოცა. 

დავით ნარმანიამ ყატარის სახელმწიფოს საგანგებო და სრულუფლებიან ელჩს საქართველოში მუბარაქ ბინ ნასერ ალ-ხალიფას მომავალ საქმიანობაში წარმატება უსურვა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო