დაღესტანის სოფელ აგვალიში მდებარე სკოლაში აფეთქება მოხდა, რის შედეგადაც სულ მცირე ერთი ადამიანი დაიღუპა, - ამის შესახებ BBC იუწყება.

მედია საშუალების ინფორმაციით, აფეთქება სკოლის კომპიუტერულ კლასში მოხდა.

დაღესტანის ჯანდაცვის სამინისტროში აცხადებენ, რომ აფეთქების შედეგად 9 ადამიანი დაშავდა, ხოლო ერთი ბავშვი საავადმყოფოში გარდაიცვალა, სადაც ის კომატოზურ მდგომარეობაში მიიყვანეს.

ადგილობრივი მედია იუწყება, რომ ინციდენტის შედეგად 11 ადამიანი დაშავდა, აქედან 3 პირის მდგომარეობა კრიტიკულად მძიმეა.

როგორც Interfax-ი წერს, აფეთქება ხელყუმბარის არასწორი გამოყენების გამო მოხდა. ადგილობრივი შსს-ს ცნობით, აფეთქება იარაღის არასწორი გამოყენების გამო მოხდა, თუმცა ხელყუმბარის არსებობის შესახებ ინფორმაციას არც ადასტურებენ და არც უარყოფენ.

მანამდე ვრცელდებოდა ინფორმაცია, რომ ხელყუმბარა ან თვითნაკეთი ასაფეთქებელი მოწყობილობა შენობაში, ფანჯარაში მე-6 კლასელმა შეაგდო. არასრულწლოვანი სავარაუდოდ დაკავებულია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით