აჭარის მთავრობის თავმჯდომარის ზურაბ პატარაძის მეუღლე სოფიო ბაკურიძე 21-22 აპრილს საქართველოში აკრედიტებული ელჩების მეუღლეებს ბათუმში უმასპინძლებს.

ბრაზილიის, საბერძნეთის, იაპონიის, ყაზახეთის, კორეის, თურქეთის აშშ-ის ელჩების და ნატოს ოფისის ხელმძღვანელის მეუღლეები 21 აპრილს 17:00 საათზე, ანბანის კოშკში გამართულ შეხვედრას დაესწრებიან. შეხვედრა თემაზე „ქალთა უფლებები საქართველოში" წარიმართება. დიპლომატიური მისიების წარმომადგენელთა მეეუღლეებს სოფიო ბაკურიძე რეგიონისა და ქალაქის ისტორიას, ტურისტულ პოტენციალს და საინვესტიციო გარემოს გააცნობს. ელჩების მეუღლეებთან ერთად შეხვედრას დაესწრებიან თურქეთის, სომხეთის და ირანის კონსულების მეუღლეები.

შეხვედრის „ქალთა უფლებები საქართველოში" მიზანია დიპლომატიური მისიით მყოფი ელჩების მეუღლეებმა და რეგიონში მოღვაწე ქალბატონებმა გაიცნონ ერთმანეთი, დაამყარონ ეფექტური კომუნიკაცია, შეძლონ საერთო იდეების ფორმირება და სამომავლო ერთობლივი პროექტების განხორციელება.  

შეხვედრას ასევე დაესწრებიან  საჯარო და არასამთავრობო სექტორში მოღვაწე ქალბატონები, რომლებიც აჭარის რეგიონში სხვადასხვა მიმართულებით არსებულ მიღწევებსა და გამოწვევებზე ისაუბრებენ.

აჭარის ა.რ. მთავრობის თავმჯდომარე სოფიო ბაკურიძე ხელმძღვანელობს ასოციაცია „ერთმანეთისთვის" და საზოგადოებრივ საქმიანობაში ქალთა როლის აქცენტირებისა და ჩართულობის გაზრდის მხარდასაჭერად აქტიურად მუშაობს.  ასოციაციის მთავარ სამიზნე ჯგუფს ამ ეტაპზე შშმ პირთა უფლებები და კვლევა წარმოადგენს.

საქართველოში აკრედიტებული ელჩების მეუღლეები აჭარის ღირსშესანიშნაოებებს დაათვალიერებენ და ბათუმის სახელმწიფო მუსიკალურ ცენტრში მიმდინარე ფესტივალს „ევროპული გაზაფხულის ხმა" დაესწრებიან, რომლის ფარგლებშიც ქართული ფოლკლორისა და ეთნო-პოპის კონცერტები გაიმართება. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს