2017-04-20 08:41:19, 2689 ნახვა
მსოფლიო
ათენში Eurobank-ის ოფისში აფეთქება მოხდა
საბერძნეთის დედაქალაქ ათენის ცენტრში, Eurobank-ის ერთ-ერთ განყოფილებაში ბომბი აფეთქდა, - ამის შესახებ BBC იუწყება.
მედია საშუალების ინფორმაციით, უცნობმა პირმა ერთ-ერთ საინფორმაციო სააგენტოში დარეკა და განაცხადა, რომ ბანკის შენობაში ბომბი დაამონტაჟა, რომელიც 35 წუთში უნდა აფეთქებულიყო
პოლიციამ ბანკის მიმდებარე ტერიტორია გადაკეტა.
სამართალდამცველებმა ბანკის შესასვლელთან ჩანთა იპოვეს. აღსანიშნავია, რომ მოწყობილობის აფეთქება უცნობი პირის ინფორმაციას დაემთხვა.
აფეთქების შედეგად ბანკისა და ახლოს მდებარე შენობები დაზიანდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
