საქართველოს თავდაცვის სამინისტროს ტერიტორიაზე მდებარე მთავარანგელოზთა დასის სახელობის ტაძარში შეიარაღებული ძალების მთავარმა კაპელანმა, მამა დავით ლონდარიძემ სააღდგომო ლიტურგია აღავლინა. სადღესასწაულო ღვთისმსახურებას სამხედრო მოსამსახურეებთან და ტაძრის მრევლთან ერთად საქართველოს თავდაცვის მინისტრი ლევან იზორია დაესწრო.

მან აღდგომის ბრწყინვალე დღესასწაული ტაძარში შეკრებილ მრევლს, სრულიად საქართველოს, ქართულ ჯარს და საერთაშორისო მისიებში მყოფ ქართველ მშვიდობისმყოფელებს მიულოცა.

სააღდგომო მსახურებაზე მინისტრის მოადგილეები - ლელა ჩიქოვანი და გიორგი ბუთხუზი, ასევე შეიარაღებული ძალების გენერალური შტაბის უფროსი, ბრიგადის გენერალი ვლადიმერ ჩაჩიბაია, გენერალური შტაბის უფროსის მოადგილეები, პოლკოვნიკები - ნიკოლოზ ჯანჯღავა, შალვა ჯაბახიძე და ზაზა ჩხაიძე იმყოფებოდნენ. 

შეიარაღებული ძალების მთავარმა კაპელანმა დღესასწაულთან დაკავშირებით ღამისთევის მსახურება ჩაატარა და ღვთისმსახურების დასასრულს ეკლესიაში შეკრებილ უწყების ხელმძღვანელებსა და მრევლს აღდგომის ბრწყინვალე დღესასწაული მიულოცა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო

პაპი ლეონ XIV-ე- სამწუხაროდ, ჟურნალისტების უფლება ხშირად ირღვევა, ზოგჯერ აშკარა გზებით, ზოგჯერ უფრო ფარული ფორმით