"თავისუფალი დემოკრატების" წევრის შალვა შავგულიძის განცხადებით, თუ დადგა აუცილებლობა პარტია საკონსტიტუციო კომისიას დატოვებს.

როგორც შავგულიძემ აღნიშნა, კომისიის მუშაობა ემსახურება მხოლოდ მმართველი ძალის კიდევ უფრო მეტ კონცენტრაციას. 

„არ ვიხმარდი სიტყვას გეგმა, მაგრამ თუ დადგა აუცილებლობა და ვფიქრობ, ასეთი პირი უჩანს, ჩვენ დავტოვებთ კომისიას. ვინაიდან ის პოზიციები, რომელსაც მყარად იცავს „ქართული ოცნება“, ემსახურება მხოლოდ მმართველი ძალის კიდევ უფრო მეტ კონცენტრაციას და არა დემოკრატიულ განვითარებას. ეს ეხება საარჩევნო სისტემას, რაც შემოთავაზებულია, ძალიან არასამართლიანია და ძალიან დიდი ბონუსი აქვს მმართველ ძალას. ამ საკითხს ასევე ორგანულად ებრძვის პრეზიდენტის არჩევის წესი“, - განაცხადა შალვა შავგულიძემ. 

ცნობისთვის, „ერთიანმა ნაციონალური მოძრაობამ“ საკონსტიტუციო კომისია დატოვა. რასაც მმართველი გუნდის წევრი მამუკა მდინარაძე გამოეხმაურა და აღნიშნა, რომ " სასაცილოა კომისიის დატოვება, რადგან მან პრაქტიკულად დაასრულა მუშაობა".

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს