2017-04-05 17:33:28, 2391 ნახვა
სამართალი
დეკანოზმა გიორგი მამალაძემ შიმშილობა დაიწყო
მკვლელობის მომზადების ფაქტზე ბრალდებულმა, დეკანოზმა გიორგი მამალაძემ შიმშილობა დაიწყო.
ამის შესახებ „რუსთავი 2“-ს დეკანოზის ადვოკატმა მიხეილ რამიშვილმა განუცხადა.
ადვოკატის თქმით, მამა გიორგის ერთადერთი მოთხოვნა პატრიარქთან და სინოდის წევრებთან შეხვედრაა.
რამიშვილის განცხადებით, შიმშილობა მამა გიორგის ჯანმრთელობის მდგომარეობისთვის საფრთხის შემცველია.
შეგახსენებთ, რომ დღეს დეკანოზის ადვოკატებმა პროკურატურას მიმართეს და მოითხოვეს, რომ საქმეში მხარეთა უფლებები თანაბრად იყოს დაცული და გაუთქმელობის პირობა მოიხსნას.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
