ეკვადორზე საპრეზიდენტო არჩევნებში მმართველი გუნდი ლიდერობს

2017-04-03 15:48:28, 2137 ნახვა

მსოფლიო

xეკვადორზე საპრეზიდენტო არჩევნებში მმართველი გუნდი ლიდერობს, - ამის შესახებ BBC იუწყება.

მედია საშუალების ინფორმაციით, ხმათა 96% უკვე დათვლილია და არჩევნებში ყოფილი ვიცე-პრეზიდენტი ლენინ მორენო ლიდერობს. მან კონსერვატორ გილიერმო ლასოს გაუსწრო, რის შემდეგადაც დამარცხებულმა კანდიდატმა მოსახლეობას გარეთ გამოსვლისკენ მოუწოდა.

ლენინ მორენო 51% აგროვებს, ხოლო ლასო 49%. ეკვადორის ცესკომ გამარჯვებული ოფიციალურად ჯერ არ გამოავლინა, თუმცა მოქმედ პრეზიდენტ რაფაელ კორეას განცხადებით, კანდიდატებს 200 ათასიანი სხვაობა აქვს, შესაბამისად მორენო მომავალი პრეზიდენტი იქნება.

კონსერვატორ ლასოს განცხადებით, მისი ოპონენტი ადმინისტრაციულ რესურს იყენებდა და ბიულეტენების ფალსიფიკაცია მოახდინა.

ცნობისთვის, პორტალ WikiLeaks-ის დამფუძნებლის ჯულიან ასანჟის ბედი სწორედ იმაზეა დამოკიდებული, თუ ვინ დაიკავებს პრეზიდენტის პოსტს. ჯულიან ასანჟი უკვე 6 წლის განმავლობაში ლონდონში მდებარე ეკვადორის საელჩოში ცხოვრობს. კონსერვატორი ლასო აცხადებდა, რომ გამარჯვების შემთხვევაში ასანჟს საელჩოს ტერიტორიას 30 დღის ვადაში დაატოვებინებდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან