2017-03-30 14:26:51, 1533 ნახვა

---

„მარჯანიშვილის“ მეტროსთან გარემოვაჭრეებსა და ადგილობრივ მაცხოვრებლებს შორის სიტყვიერი დაპირისპირება მოხდა

„მარჯანიშვილის“ მეტროსთან მიმდინარე აქციაზე გარემოვაჭრეებსა და ადგილობრივ მაცხოვრებლებს შორის სიტყვიერი დაპირისპირება მოხდა.

დაპირისპირება მას შემდეგ დაიწყო, რაც გარემოვაჭრეებმა პროტესტის ნიშნად ადგილზე საკუთარი პროდუქცია გასაყიდად მიიტანეს და ვაჭრობა განაგრძეს.

ადგილობრივები აცხადებენ, რომ ცენტრალურ ტერიტორიაზე გარევაჭრობა დაუშვებელია.

„მარჯანიშვილის“ მეტროსთან იმყოფებოდა ზედამხედველობის სამსახურის უფროსი გიორგი უკლება.

როგორც მან განაცხადა, აღნიშნული აქცია პროვოკაცია და ანარქიაა. 

„ეს არ არის გარევაჭრობა, ეს არის პიარ აქცია. გარკვეულ ჯგუფებს სურთ ქულები დაიწერონ. გარევაჭრობა ეტაპობრივად არსად აღარ იქნება. რაც შეეხება მოვაჭრეებს, თბილისის მერია მათ სთავაზობს შეღავათიან პირობებში, 6 თვის განმავლობაში, ბაზრობების ტერიტორიებზე შევიდნენ”, - აღნიშნა უკლებამ. 

დასუფთავების სამსახურმა მიმდებარე ტერიტორიიდან დადგმული ყუთები უკვე გაიტანა. აქცია ამ დროისთვის დასრულებულია, თუმცა ადგილზე ზედამხედველობის სამსახურის წარმომადგენლები და საპატრულო პოლიციის ეკიპაჟები ამ დრომდე იმყოფებიან.

შეგახსენებთ, თბილისის მერიამ უნებართვო გარევაჭრობის წინააღმდეგ ზომების მიღება 19 მარტიდან დაიწყო. 19 მარტს აღმაშენებლის გამზირზე, მეტრო „მარჯანიშვილის“ მიმდებარე ტერიტორიები გაათავისუფლეს.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი