საქართველოში ოფიციალური ვიზიტით მყოფმა ლატვიის პრეზიდენტმა რაიმონდს ვეიონისიმ  საქართველოს მოქალაქეებს ევროკავშირთან უვიზო მიმოსვლის რეჟიმის ამოქმედება მიულოცა.

მისი თქმით, აღნიშნული ფაქტი დასტურია იმისა, რომ რეფორმირების პროცესი საქართველოში წარმატებით მიმდინარეობს. ლატვიის პრეზიდენტი დარწმუნებულია, უვიზო მიმოსვლა საქართველოს ევროპასთან კიდევ უფრო დაახლოებს:

„ძალიან ბედნიერი ვარ, რომ ვარ თბილისში და განვიხილავ, თუ როგორ გავაღრმაოთ ურთიერთობა ლატვიასა და საქართველოს შორის,  საქართველოს ურთიერთობა ევროკავშირთან და ნატო-სთან. ჩემი ვიზიტი საქართველოში კიდევ ერთხელ მიუთითებს ჩვენს მეგობრობასა და მჭიდრო თანამშრომლობაზე. ლატვია დიდად აფასებს ღია კონსტრუქციულ დიალოგს ჩვენი ქვეყნების მაღალ  პოლიტიკურ პირებს შორის. გრძელვადიანი მეგობრობა გრძელდება. ეს ვიზიტი ასევე ძალზე სიმბოლურია, რადგან უვიზო რეჟიმი საქართველოს მოქალაქეებისთვის შენგენის ზონის ქვეყნებში ძალაში შევიდა დღეს და ეს დასტურია იმისა, რომ რეფორმირების პროცესი საქართველოში წარმატებით მიმდინარეობს და მე დარწმუნებული ავრ, უვიზო მიმოსვლა საქართველოს კიდევ უფრო დაახლოებს ევროპასთან და ვიმედოვნებ, ექნება პოზიტიური გავლენა საქართველო-ლატვიის ორმხრივ თანამშრომლობაზე და ჩვენს ადამიანებს შორის უფრო მჭიდრო კონტაქტზე“,-აღნიშნა  ლატვიის პრეზიდენტმა.

ამასთან, რაიმონდს ვეიონისის განცხადებით, ეკონომიკური თანამშრომლობის თვალსაზრისით, საქართველო-ლატვიას შორის  გამოუყენებელ პოტენციალს ხედავს.

„განსაკუთრებით ისეთ სფეროში როგორიცაა ვაჭრობა, ტურიზმი, ინვესტიციები და ასოცირების ხელშეკრულებამ  საქართველოსა და ევროკავშირს შორის გახსნა კარი უფრო მჭიდრო ბიზნეს კონტაქტებისთვის“,-განმარტა ლატვიის პრეზიდენტმა ქართველ კოლეგასთან ერთად გამართულ პრესკონფერენციაზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა