სსრკ-ში დაბადებულებს რუსეთის მოქალაქის სტატუსის მიღება გაუმარტივდებათ

2017-03-21 16:57:04, 2996 ნახვა

მსოფლიო

რუსეთის სახელმწიფო სათათბიროს კომიტეტმა კანონპროექტი დაამტკიცა, რომლის თანახმადაც, რუსული ენის მცოდნე პირებს მოქალაქეობის მიღება გაუადვილდებათ, - ამის შესახებ BBC იუწყება.

მედია საშუალების ინფორმაციით, რუსეთის დუმაში წარდგენილი კანონპროექტის მიხედვით, სსრკ-ში დაბადებულ ყველა ადამიანს და მათ შთამომავლებს რუსული პასპორტის გამარტივებული წესით აღება შეეძლებათ.

მედიის ცნობით, კანონპროექტი რუსეთის სათათბიროს დსთ-ის საქმეთა კომიტეტის თავმჯდომარის პირველმა მოადგილემ, კონსტანტინ ზატულინმა წარადგინა. მისი ერთ-ერთი ავტორი ნატალია პოკლონსკაიაა.

დოკუმენტი "რუსეთის ფედერაციის მოქალაქეობის შესახებ" და "უცხოელ მოქალაქეთა სამართლებრივი სტატუსის შესახებ" 2002 წლის კანონებში ცვლილებების შეტანას გულისხმობს. განმარტებით ბარათში აღნიშნულია, რომ ხსენებული საკითხი ვლადიმერ პუტინის თხოვნით განვითარდება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან