ალეპოში მეჩეთის დაბომბვის შედეგად 42 ადამიანი დაიღუპა, 100-მდე კი დაშავდა

2017-03-17 12:01:48, 2611 ნახვა

მსოფლიო

ალეპოს პროვინციის სოფელ ალ ჯინაში მეჩეთის დაბომბვის შედეგად 42 ადამიანი დაიღუპა, 100-მდე კი მძიმედ დაშავდა, - ამის შესახებ BBC იუწყება.

მედია საშუალების ინფორმაციით, დაღუპულთა უმრავლესობა მშვიდობიანი მოსახლეა.

როგორც BBC წერს, აღნიშნულ ტერიტორიაზე საჰაერო ოპერაციებს რუსეთისა და სირიის სამხედროები ახორციელებდნენ. სამხედრო ღონისძიებებში ასევე ჩართული იყო ამერიკის შეერთებული შტატების საჰაერო ძალები. თუმცა, ამ დროისთვის უცნობია თუ რომელი ქვეყნის სამხედროება განახორციელეს საჰაერო დარტყმა.

შეგახსენებთ, რომ 15 მარტს დამასკოში თვითმკვლელმა ტერორისტმა თავი აიფეთქა რის შედეგადაც სულ მცირე 31 ადამიანი დაიღუპა. აფეთქება სასამართლოს მიმდებარე ტერიტორიაზე მოხდა.

ცნობისთვის, ბოლო 6 წლის განმავლობაში სირიაში აფეთქებებს 320 ათასი ადამიანის სიცოცხლე ემსხვერპლა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან