აჭარაში ფასდაკლებების კვირეული Discount Week დაიწყო.

როგორც “ექსპრესნიუსს“ აჭარის ტურიზმისა და კურორტების დეპარტამენტიდან აცნობეს,  2 აპრილამდე რეგიონში არსებულ 10 ბრენდულ და მაღალი კლასის სასტუმროებში მომხმარებლებს 40%-იანი ფასდაკლებით შეუძლიათ ისარგებლონ.

მათივე ინფორმაციით,  მსურველებმა პროექტში ჩართულ სასტუმროებში -„ეუფორია“, „ჰილტონი“, „შერატონი“, „რედისონი“, „დივანი“, „ინტურისტი“, „ლე პორტი“, „ჯორჯიან პალასი“, „კასტელო მარე“ და „ლეოგრანდი“  სპეციალური ფასდაკლების მისაღებად უნდა წარადგინონ პრომო კოდი #DISCOUNTWEEK. 

ფასდაკლებების კვირეულის ფარგლებში წარმოდგენილი ფასებისა და სასტუმროების შესახებ ინფორმაციის მიღება შესაძლებელია საქართველოს ტურიზმის ეროვნული ადმინისტრაციის ვებ-გვერდზე http://georgia.travel/discounts .

პროექტი Discount Week აჭარაში საქართველოს ტურიზმის ეროვნული ადმინისტრაციის ინიციატივით ხორციელდება. მისი მიზანი არასეზონურ პერიოდში შიდა ტურისტების მოგზაურობის სტიმულირება და აჭარის პოპულარიზაციაა.

Discount Week თებერვალში კახეთში გაიმართა, ახლა კი მისი მასპინძელი აჭარაა. პროექტი საქართველოს სხვა რეგიონებშიც გაგრძელდება.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ საქართველოში დაკავებული რუსი ქალის ექსტრადიციას ითხოვს

სომხეთი ერევანს, თბილისსა და ბაღუმს შორის პირდაპირ სარკინიგზო მიმოსვლას იწყებს.

ჯანდაცვის სამინისტრო დიუშენის კუნთოვანი დისტროფიით დაავადებული პაციენტების მშობლებთან მუშაობას გააგრძელებს

ნავალნის ერთ-ერთმა თანამოაზრემ საქართველოს ციხეში რეკრუტირების მცდელობის შესახებ ისაუბრა