22 თებერვლიდან 6 მარტამდე კახეთის გზატკეცილზე საავტომობილო მოძრაობა აიკრძალება

2017-02-21 18:52:52, 1252 ნახვა

საზოგადოება

22 თებერვლიდან 6 მარტამდე კახეთის გზატკეცილზე საავტომობილო მოძრაობა გადაიკეტება, - ამის შესახებ თბილისის მერიის განცხადებაშია აღნიშნული.

როგორც უწყების განცხადებაში ვკითხულობთ, საავტომობილო საშუალებებისთვის აღნიშნული მიმართულებით გადაადგილება შესაძლებელი იქნება კახეთის გზატკეცილის დამხმარე ზოლის მეშვეობით.

"საგზაო სამუშაოების გამო, მიმდინარე წლის 22 თებერვლის 12:00 საათიდან 6 მარტის ჩათვლით, საავტომობილო მოძრაობა გადაიკეტება კახეთის გზატკეცილზე, აეროპორტიდან თბილისის მიმართულებით (ორხევის ხიდებიდან “ისთ ფოინთამდე”). საავტომობილო საშუალებებისთვის აღნიშნული მიმართულებით გადაადგილება შესაძლებელი იქნება კახეთის გზატკეცილის დამხმარე ზოლის მეშვეობით. თბილისის მერია ბოდიშს გიხდით შეფერხებისთვის", - წერია განცხადებაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან