ტელეკომპანია "რუსთავი 2"-ის გენერალურ დირექტორს თბილისის საქალაქო სასამართლოში ელოდებიან. ნიკა გვარამიას მოსამართლის თანდასწრებით დაკითხავენ.

თავად მოსამართლე დაკითხვის პროცესში არ ერევა და დაკითხვის პროცესს მთლიანად გამომძიებელი წარმართავს. 

მიზეზი რის გამოც ნიკა გვარამიამ და მისმა ადვოკატმა დაკითხვის ეს ფორმა აირჩიეს არის ის, რომ ისინი უნდობლობას უცხადებენ საგამოძიებო ორგანოებს.

როგორც ადვოკატი დიმიტრი საძაგლიშვილი აცხადებს, მისთვის გაუგებარია რატომ დადგა ნიკა გვარამიას კიდევ ერთხელ დაკითხვის საკითხი, რადგან მისივე თქმით, პირველი გამოკითხვის დროს ნიკა გვარამიამ გავრცელებულ ფარულ ჩანაწერთან დაკავშირებით გამოძიებას, დეტალური ინფორმაცია მიაწოდა.

დღევანდელ დაკითხვაზე ცნობილი გახდება ის დამატებითი კითხვები, რის გამოც საგამოძიებო უწყებამ ნიკა გვარამიას ხელმეორედ გამოკითხვა გადაწყვიტა. "რუსთავი 2"-ის გენერალურ დირექტორს თბილისის საქალაქო სასამართლოში 10:30 საათზე ელოდებიან.

გამოკითხვის პროცესს საგამოძიებო უწყების წარმომადგენლები, ნიკა გვარამიას ადვოკატი და მოსამართლე დაესწრებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები

უკრაინის დაზვერვამ კადიროვის სპეცრაზმის ახმატის ათობით მებრძოლი მოკლა

უკრაინამ ჩელიაბინსკის მახლობლად მდებარე აეროდრომზე სუ-57 და სუ-34 ტიპის გამანადგურებლების დაბომბვის შესახებ განაცხადა