"ნაციონალური მოძრაობის" ინფორმაციით, ტელეკომპანია „რუსთავი 2“-ის მხარდასაჭერ აქციაზე, რომელიც დედაქალაქის მერიის წინ მიმდინარეობს, აქციის ხუთი მონაწილე დააკავეს. 

პოლიტიკური პარტიების საკოორდინაციო საბჭოს მიერ ორგანიზებული აქცია, მერიასთან სიტყვიერი და ფიზიკური დაპირისპირების ფონზე მიმდინარეობს.

ვითარება მას შემდეგ კიდევ ერთხელ დაიძაბა, როდესაც აქციაზე გელა ჩოხელი მივიდა. გელა ჩოხელი, ის პიროვნებაა, რომლის საკუთრებაშიც ის მიწის ნაკვეთი იყო, რომელიც მოსამართლე ნატა ნაზღაიძის ოჯახს გადაეცა.

ჩოხელი ცდილობდა, აქციის ორგანიზატორებისთვის აღნიშნულ საქმეზე საკუთარი პოზიცია დაეფიქსირებინა, თუმცა მხარეებს შორის საუბარი დაპირისპირებაში გადაიზარდა. საქმეში საპატრულო პოლიცია ჩაერთო.

გზის სავალი ნაწილი, რომელიც აქციის მონაწილეებს გადაკეტილი ჰქონდათ, ნაწილობრივ გაიხსნა.

"ექსპრესნიუსი" აქციის მონაილეების დაკავების ფაქტს არკვევს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა კონგრესს განუცხადა, რომ ირანთან ომი შეწყდა

პერმს ტუაფსეს მსგავსი ეკოლოგიური კატასტროფა ელის

ზურაბიშვილი რეჟიმის მიერ ვენახის გაშენების აკრძალვაზე - დავბრუნდით შაჰ-აბასისა თუ საბჭოთა დროს

რუსეთის მიერ უკრაინაში დადასტურებულმა დანაკარგებმა 216 000 ადამიანს გადააჭარბა.