2017-02-11 15:19:45, 3183 ნახვა
მსოფლიო
ფილიპინებზე მიწისძვრის შედეგად 15 ადამიანი დაიღუპა, 90-ზე მეტი კი, დაშავდა
ფილიპინებზე მომხდარი მიწისძვრის შედეგად 15 ადამიანი დაიღუპა, 90-ზე მეტი კი დაშავდა, - ამის შესახებ BBC იუწყება.
მედია საშუალების ინფორმაციით, 6.7 მაგნიტუდის მიწისძვრა ქვეყნის სამხრეთ ნაწილში გუშინ მოხდა.
მათივე ცნობით, მიწისძვრას 89 განმეორებით ბიძგი მოჰყვა. სტიქიის ზონაში დანგრეულია სახლები, ადგილზე სამძებრო სამუშაოები ამ დრომდე მიმდინარეობს.
როგორც BBC სეისმოლოგებზე დაყრდნობით წერს, ეს ბოლო 100 წლის განმავლობაში ფილიპინებზე მომხდარი ყველაზე ძლიერი მიწისძვრაა. გარდა ამისა, ისინი განმეორებით ბიძგებს არ გამორიცხავენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
