ნაძალადევის რაიონში კიდევ სამი სპორტული მოედნის აღდგენა-რეკონსტრუქცია დასრულდა. 

თბილისის მერიის ინფორმაციით, რეაბილიტაცია  ც. დადიანის ქ. N148-ში, გურამიშვილის გამზ. N12-ის მიმდებარედ და თოდრიას ქუჩაზე არსებულ მოედნებს ჩაუტარდა. 

 მათივე ინფორმაციით, განახლებული სტადიონები ნაძალადევის რაიონის გამგებელმა, ირაკლი ხელაძემ, ადგილობრივ მოსახლოებასთან ერთად დაათვალიერა. 

სარეაბილიტაციო სამუშაოების ფარგლებში, სპორტულ მოედნებზე დაიგო ხელოვნური, მწვანე საფარი, გამოიცვალა კალათბურთის ფარები და ფეხბურთის კარები, ძველი ლითონის კონსტრუქციები შეიცვალა ახლით. 

ცნობისთვის, 2016 წლის განმავლობაში ნაძალადევში სულ 20 სპორტული მოედანი განახლდა. 

სარეაბილიტაციო სამუშაოებისთვის ნაძალადევის რაიონის გამგეობამ 466 900 ლარი გამოყო. 2017 წლის ბიუჯეტში კი მსგავსი სამუშაოებისთვის 404 550 ლარია გათვალისწინებული. 
გამგეობა ორი ახალი სტადიონის მშენებლობას და ათამდე სპორტული მოედნის რეაბილიტაციას გეგმავს.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პერმს ტუაფსეს მსგავსი ეკოლოგიური კატასტროფა ელის

ზურაბიშვილი რეჟიმის მიერ ვენახის გაშენების აკრძალვაზე - დავბრუნდით შაჰ-აბასისა თუ საბჭოთა დროს

რუსეთის მიერ უკრაინაში დადასტურებულმა დანაკარგებმა 216 000 ადამიანს გადააჭარბა.

კრემლის ჩინეთის გავლით ტექნოლოგიების იმპორტზე დამოკიდებულებამ 90%-ს მიაღწია.