ამერიკის შეერთებული შტატების პრეზიდენტი დონალდ ტრამპი ჩრდილოატლანტიკური ალიანსის ლიდერებს მაისში შეხვდება, - ამის შესახებ BBC იუწყება.

მედია საშუალების ინფორმაციით,  შესაბამისი გადაწყვეტილება დონალდ ტრამპმა, ნატო-ს გენერალურ მდივანთან, იანს სტოლტენბერგთან სატელეფონო საუბრის დროს მიიღო.

ამასთან, წინასაარჩევნო კამპანიის დროს დონალდ ტრამპი ხშირად აკრიტიკებდა ჩრდილოატლანტიკურ ალიანსს და აცხადებდა, რომ ნატო-მ თავის როლი და ფუნქცია დაკარგა.

როგორც BBC თეთრ სახლზე დაყრდნობით წერს, ტრამპმა და სტოლტენბერგმა თავდაცვის დაფინანსების საკითხი განიხილეს. კერძოდ, თუ რა უნდა გაკეთდეს იმისთვის, რომ ნატო-ს ყველა მოკავშირე ქვეყანამ თავდაცვის ხარჯებზე აღებული პასუხისმგებლობა შეასრულოს.

გარდა ამისა, მათ უკრაინის საზღვარზე არსებული კონფლიქტის მშვიდობიანი გზით გადაჭრის ხერხები მიმოიხილეს.

ცნობისთვის, ბოლო რამდენიმე კვირის განმავლობაში, ოფიციალური კიევი და თვითაღიარებული რესპუბლიკის მხარდამჭერები დონბასში ვითარების გაუარესებაზე საუბრობენ. მხარეები ერთმანეთს საომარ მოქმედებებში ადანაშაულებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Axios: სომხეთმა გამოაცხადა შეერთებული შტატებისგან თავდაცვის ტექნოლოგიების შეძენის შესაძლებლობა.

ზელენსკიმ ფედოროვთან და სირსკისთან ისაუბრა: გადაწყვეტილებები შემუშავდება

მოსკოვის რეგიონში Wildberries-ის საწყობზე თავდასხმის შედეგად დაშავებულთა რაოდენობამ 60-ს გადააჭარბა

19 ივლისს უმეტეს რეგიონში მოსალოდნელია წვიმა, ელჭექი, სეტყვა