ერაყის ქალაქ მოსულში ტერორისტული დაჯგუფება „ისლამური სახელმწიფოს“ მებრძოლებმა 2 მოზარდს ხელები მოაჭრეს, - ამის შესახებ Iraqi News იუწყება.

როგორც მედია საშუალება წერს, 10 და 12 წლის მოზარდებმა ოჯახის წევრების თანდასწრებით, ორი ტყვე მამაკაცის ჩამოხრჩობაზე უარი თქვეს, რის გამოც, ისინი დაჯგუფების წევრებმა დასაჯეს.

არსებული ინფორმაციით, მოზარდები მომზადებასა და წვრთნას ექსტრემისტთა ბანაკში გადიოდნენ.

მედიის ცნობით, „ისლამური სახელმწიფოს“ ლიდერებმა სპეციალური ბანაკი შექმნეს, სადაც მოზარდ ბიჭებს რელიგიურ ფანატებად, „ჰალიფატის ლომებად“ ზრდიან.

იდეოლოგიური მომზადების შემდეგ, მოზარდები ტერაქტების განმხორციელებლებად ყალიბდებიან.

ცნობისთვის, ტერორისტები გაწვრთნილ მოზარდებს ქალაქ მოსულში ტერიტორიების დასაბრუნებლად იყენებენ.

შეგახსენებთ, რომ ამერიკის შეერთებული შტატების კოალიციამ და ერაყის ძალებმა ქალაქ მოსულის დიდი ნაწილი დაიბრუნეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: თუ ირანი გარიგებას არ დათანხმდება, ყველა ელექტროსადგურს და ხიდს დავანგრევთ

ბერი ნიკოლოზი (ნარიმანი) გარდაიცვალა

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა