საქართველოს პრეზიდენტი გიორგი მარგველაშვილი „საერთო სასამართლოების შესახებ“ კანონში განსახორციელებელ ცვლილებებთან დაკავშირებით არასამთავრობო სექტორთან და საპარლამენტო ფრაქციების ხელმძღვანელებთან  შეხვედრებს გეგმავს.

როგორც პრეზიდენტის საპარლამენტო მდივანმა ანა დოლიძემ აღნიშნა, მარგველაშვილი მათ მოტივირებულ შენიშვნებს გააცნობს.

საქართველოს პრეზიდენტის ინიციატივით შეხვედრა სწორედ მასთან გაიმართება, რათა კონკრეტულად მან გააცნოს შეხედულებები სასამართლო რეფორმასთან დაკავშირებით”, - აღნიშნა დოლიძემ.

ამასთან,  როგორც პარლამენტის ფრაქცია „ქართული ოცნების“ თავმჯდომარემ მამუკა მდინარაძემ აღნიშნა, ის შეგნებულად არ აპირებს შეხვედრაზე მისვლას.

„ჩვენ რა თქმა უნდა, ამ შეხვედრაზე მისვლას არ ვაპირებთ შეგნებულად. გამომდინარე იქედან რომ კონსულტაციების შესაძლებლობა იყო. ქალბატონი ანა დოლიძე იყო მოსული და დაწვრილებით ავუხსენით ის მიზეზები, რის გამოც შეიძლება ჩვენ ვეტო დავძლიოთ. არ არსებობს მსგავსი ფორმატი, როდესაც პრეზიდენტი იბარებს ფრაქციის თავმჯდომარეებს, ვიცე სპიკერებს, ეს პრაქტიკა წარსულს ჩაბარდა, სამართლებრივ სივრცეში ასეთი ფორმატი არ არსებობს,“ - განაცხადა მამუკა მდინარაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

EU-ს ანგარიშში TV იმედის, რუსთავი 2-სა და Pos TV-ის დასანქცირებას ითხოვენ

ზელენსკი: შესაძლოა, უკრაინული დრონებიც იფრინონ ​​მოსკოვში 9 მაისის აღლუმზე

ზელენსკი: სომხეთსა და აზერბაიჯანს მხოლოდ მშვიდობას ვუსურვებთ

ალიევი: სომხეთმაც და აზერბაიჯანმაც უკვე მიიღეს რეალური სარგებელი მშვიდობით