საქართველოს საკითხზე მომხსენებელი, ევროპარლამენტის წევრ მარია გაბრიელის განცხადებით, 1 ან 2 მარტს ევროპარლამენტსა და ევროპულ საბჭოს შორის საბოლოო შეთანხმება მოხდება, ხოლო 15 მარტამდე ეს გადაწყვეტილება ოფიციალურად გამოქვეყნდება. 

როგორც გაბრიელიმ აღნიშნა, ქართველი ხალხი უვიზო მიმოსვლას იმსახურებს. 

„უპირველეს ყოვლისა მიმაჩნია, რომ ეს კენჭისყრა ევროპარლამენტში არის ყველა იმ მიღწევის აღიარება, რაც საქართველოს ხელისუფლებამ და ქართველმა ხალხმა გასწია. ქართველი ხალხი უდავოდ იმსახურებს უვიზო მიმოსვლას. ამრიგად, ეს არის დიდი დღე ჩვენთვის, დარჩება მხოლოდ მცირე სახის პროცედურები.

პირველ ან 2 მარტს მოხდება ევროპარლამენტსა და ევროპულ საბჭოს შორის საბოლოო შეთანხმება - ხელმოწერა.  გადაწყვეტილება გამოქვეყნდება მაქსიმუმ 15 მარტამდე. ხელმოწერიდან 20 დღეში კი საქართველოს მოქალაქეები შეძლებენ ევროპაში უვიზოდ მოგზაურობას. 

ჩემი მკაფიო მიზანია, რომ მარტის ბოლომდე ეს პროცესი ბოლომდე მივიყვანო. ბოლო წუთამდე გავაკეთებ ყველაფერს იმისათვის, რომ შედეგი მალე დადგეს”, - განაცხადა მარია გაბრიელმა "მოამბესთან" საუბარში.

ცნობისთვის, საქართველოს ვიზალიბერალიზაციაზე კენჭისყრა ევროპარლამენტში დღეს გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: თუ ირანი გარიგებას არ დათანხმდება, ყველა ელექტროსადგურს და ხიდს დავანგრევთ

ბერი ნიკოლოზი (ნარიმანი) გარდაიცვალა

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა