გერმანიის კანცლერობის კანდიდატი სოციალ-დემოკრატიული პარტიიდან, ევროპარლამენტის ყოფილი პრეზიდენტი, მარტინ შულცი ამერიკის შეერთებული შტატების პრეზიდენტის დონალდ ტრამპის პოლიტიკას აკრიტიკებს და მას „არაამერიკულს“ უწოდებს, - ამის შესახებ Reuters-ი იუწყება. 

როგორც შულცმა აღნიშნა, რუსეთის წინააღმდეგ სანქციების შესაძლო მოხსნა ნაადრევია. 

მისივე თქმით, აშშ მსოფლიოს სხვა ქვეყნებზე მეტად განათლებას, დემოკრატიასა და თავისუფლებას იცავდა.

"როდესაც ტრამპი ავტომობილის საჭესთან ზის, ის ამ ღირებულებებს ანადგურებს. როგორც გერმანიის კანცლერს განვუცხადე: ეს გერმანიისა და ევროპის პოლიტიკა არ არის ", - განაცხადა შულცმა.

მან უკრაინის კონფლიქტზეც ისაუბრა და აღნიშნა, რომ რუსეთის წინააღმდეგ სანქციების შესაძლოა, მხოლოდ მინსკის შეთანხმების შესრულების შემდეგ გაუქმდეს.

"სანამ მინსკის შეთანხმების სრულად არ ხორციელდება, სანქციები არ მოიხსნება. ნათლად უნდა ითქვას, რომ რუსეთი ვალდებულია პატივი სცეს და დაიცვას საერთაშორისო სამართლის ნორმები ", - განაცხადა მარტინ შულცმა.

ცნობისთვის, ევროპარლამენტის ყოფილი პრეზიდენტი მარტინ შულცი გერმანიის კანცლერობის კანდიდატად დასახელდა. მარტინ შულცი სოციალ-დემოკრატების პარტიის ლიდერმა წარადგინა. 

კანდიდატად დამტკიცების შემთხვევაში ევროპარლამენტის ყოფილი პრეზიდენტი არჩევნებზე კონკურენციას ანგელა მერკელს გაუწევს. შეგახსენებთ, არჩევნები გერმანიაში 2017 წლის სექტემბერში გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: თუ ირანი გარიგებას არ დათანხმდება, ყველა ელექტროსადგურს და ხიდს დავანგრევთ

ბერი ნიკოლოზი (ნარიმანი) გარდაიცვალა

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა