2017-01-30 16:09:03, 1773 ნახვა
პოლიტიკა კომენტარი
ელენე ხოშტარია: რუსეთს ჩვენზე პოლიტიკური გავლენის ბერკეტი პირდაპირ გადავეცით
„მოძრაობა თავისუფლებისთვის - ევროპული საქართველოს წევრის, ელენე ხოშტარიას განცხადებით, „გაზპრომთან“ ხელშეკრულების გაფორმებით, ქვეყანას ზიანი უსაფრთოხების მიმართულებით მიადგა.
როგორც ხოშტარიამ განმარტა, საქართველოს მთავრობამ რუსეთს პირდაპირ გადასცა პოლიტიკური გავლენის ბერკეტი, რომელიც მას აქამდე არ ჰქონდა.
„ჩვენ დღეს ვართ სიტუაციაში, როცა დამოკიდებულები ვიქნებით რუსეთზე. ხელისუფლება მოიქცა არაგამჭვირვალედ, უტიფრად და დღეს ცდილობს დამალოს ამ ხელშეკრულების პირობები, რის ფუფუნებასაც არ მივცემთ. ყველაფერს გავაკეთებთ პარლამენტში, რომ ვნახოთ ამ ხელშეკრულების პირობები და კონტროლის ქვეშ გვყავდეს ხელისუფლება. ზიანი სამწუხაროდ უკვე მიყენებულია“, - განაცხადა ელენე ხოშტარიამ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
