„ევროპული საქართველოს“ წევრის სერგი კაპანაძის განცხადებით, პრეზიდენტის ინსტიტუტს უნდა დარჩეს ის უფლებამოსილებები, რომლებიც ახლა გააჩნია.

როგორც კაპანაძემ ჟურნალისტებს პრეზიდენტის, მთავრობისა და თავდაცვის საკითხთა სამუშაო ჯგუფის სხდომის დაწყებამდე განუცხადა, პრეზიდენტის ინსტიტუტი ქვეყანაში არსებულ ვითარებას აბალანსებს იმის გათვალისწინებით, რომ „საქართველოს არაფორმალური მმართველი ჰყავს“.

„რა თქმა უნდა, პრეზიდენტის არჩევნები პირდაპირი გზით უნდა ჩატარდეს. დღეს ქვეყანაში ისეთი სიტუაცია გვაქვს, როდესაც ერთი ადამიანი აკონტროლებს ყველაფერს და არაფორმალური მმართველობაა. ნებისმიერი სახელმწიფო ინსტიტუტის მოშლა და შემცირება მარტო ამ ადამიანს აწყობს, ამიტომ ჩვენი პოზიციაა, რომ შენარჩუნდეს არჩევითობა. ეს ინსტიტუტი უნდა დარჩეს ძლიერი, როგორც ერთ-ერთი ინსტიტუტი, რომელიც აბალანსებს დღევანდელ ვითარებას და არაფორმალურ მმართველობას“, - განაცხადა კაპანაძემ.

მისივე თქმით, კომისიისთვის უმნიშვნელოვანესი განსახილველი საკითხი საარჩევნო სისტემაა.

ჟურნალისტის კითხვაზე - საპარლამენტო არჩევნების როგორ სისტემას უჭერს მხარს „ევროპული საქართველო“,  კაპანაძემ აღნიშნა, რომ ქვეყნისთვის ყველაზე მისაღები პროპორციული სისტემაა.

„დღეს არსებული სისტემა ქართველი ერის ნებას არ ასახავს“, - აღნიშნა კაპანაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს