კრწანისის გამგეობა ფონიჭალაში სახაზო ნაგებობების მოწესრიგებას განაგრძობს.

თბილისის მერიის ინფორმაციით, სადგურის ქუჩაზე სანიაღვრე კოლექტორის მოწყობა-რეკონსტრუქციის სამუშაოები მიმდინარეობს.

მათივე ცნობით, პროექტის ფარგლებში, ეწყობა 300 გრძივი მეტრი ახალი სანიაღვრე სისტემა და რეაბილიტაცია უტარდება ათწლეულების განმავლობაში მწყობრიდან გამოსულ კოლექტორს. აღნიშნული მონაკვეთი ზემო და ქვემო ფონიჭალის მაგისტრალური სანიაღვრე სისტემის ბოლო სექციას წარმოადგენს.

„ფონიჭალის მაგისტრალური სანიაღვრის მოწყობა გამგეობამ გასულ წელს დაიწყო, რის შედეგადაც გაიწმინდა წლების განმავლობაში არსებული დაჭაობებული ტერიტორიები, მიწისქვეშა წყლები კი სადრენაჟე მილებში მოექცა.  შეიქმნა მიმდებარე ტერიტორიის სამრეწველო და სამშნებლო მიზნებისთვის განვითარების წინაპირობა“, - აცხადებენ მერიაში.

სადგურის ქუჩაზე იმყოფებოდა კრწანისის გამგებელი. გიორგი კოპალეიშვილი სამუშაოების მიმდინარეობას გაეცნო.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილი ცდილობს, ჩაკლას თავისუფლება - ფედერალისტები ლოხიშვილის პატიმრობაზე

დისტრიბუტორთა ასოციაცია: ნუ ელით ფასების სწრაფ შემცირებას

ტაქსის მძღოლები და კურიერები სამუშაო პირობების გაუმჯობესებას ითხოვენ

საპატრიარქოს ტახტის მოსაყდრე შიომ საპატრიარქოში ოცნების საგარეო მინისტრი, მაკა ბოჭორიშვილი მიიღო