2017-01-16 18:41:08, 2787 ნახვა
ეკონომიკა საზოგადოება
Bloomberg-ის სავაჭრო სისტემაში ლარს გამყარების ტენდენცია აქვს
Bloomberg-ის ელექტრონულ სავაჭრო სისტემაში დღევანდელი დღის მონაცემებით, ეროვნული ვალუტა დოლართან მიმართებაში გამყარდა და მისი შეძენა 2.6863 არის შესაძლებელი.
გამოცემის ვებგვერდზე განთავსებული ინფომრაციის თანახმად, დღიური მაჩვენებელი ასე გამოიყურება: 2.6788 - 2.7175
გამოცემის ინფორმაციით, Bloomberg-ზე ვაჭრობა დღეს, 1 დოლარი 2.7150 კურსით დაიწყო და 1.06%-იანი გამყარება ფიქსირდება.
ცნობისთვის, თბილისის დროით 18:00 საათზე 1 დოლარის ღირებულება Bloomberg-ზე 2.6863 ლარი იყო, გუშინ კი, მისი შეძენა 2.7150 კურსით იყო შესაძლებელი და ამავე კურსით დასრულდა.
Bloomberg-ის სისტემაში შეთავაზებების ფასის მიხედვით, 3 იანვრიდან ლარი დოლართან მიმართებაში 2.6550-დან 2.7650-მდე მერყეობდა.
შეგახსენებთ, რომ ლარი დოლართან და ევროსთან მიმართებაში გამყარდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
