პარლამენტის რიგგარეშე სხდომაზე „ნაციონალური მოძრაობის“ წევრი გიგი წერეთელი ლარის კურსის საკითხს გამოეხმაურა.

მისი თქმით, მთავარი თრემა, რომელზეც ხშირი დისკუსიებია საჭირო, სწორედ ლარის კურსია. წერეთელი მიიჩნევს, რომ მთავრობამ უფრო ქმედითი ნაბიჯები უნდა გადადგას. ასევე, გიგი წერეთე  ითხოვს, მთავრობა საპარლამენტო  უმცირესობას შეხვდეს, რათა აღნიშნული საკითხი უფრო პროფესიონალურად გაიარონ.

„დღეს ყველასთვის ყველგან სალაპარაკო ვფიქრობ, არის ის მდგომარეობა, რომელიც ჩვენს ეკონომიკაშია შექმნილი.  მართალია, მთავრობამ გვირჩია, მაინცდამაინც ლარის კურსს არ მივაქციოთ ყურადღება, მაგრამ ლარის კურსი გვაქცევს თავად ძალიან სერიოზულ ყურადღებას და ძალიან მძიმედ აისახება ყველა ადამიანზე, ვისაც ყოველდღიურად უწევს ხარჯებთან გამკლავება. ყველა ჩვენთაგანი დავემსგავსეთ საფონდო ბირჟის ბროკერებს. მუდმივად შევცქერით ტაბლოებს, ტელეფონებს, ტელევიზორის ეკრანს, თუ როგორია კურსი, დღეს რა ხდება და როგორაა საქმე.

ვფიქრობ, ჩვენ მუდმივი დისკუსია უნდა გვქონდეს ამ საკითხზე. არაა საუბარი იმაზე, რომ ვიღაცამ პანიკა უნდა დათესოს, მაგრამ პოლიტიკური დისკუსია აუცილებელია“,-აღნიშნა გიგი წერეთელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს