2016-12-16 19:32:56, 2659 ნახვა

---

საქართველოსა და უნგრეთის მთავრობას შორის ინვესტიციების ხელშეწყობისა და ურთიერთდაცვის შესახებ“ შეთანხმების პროექტის ტექსტთან დაკავშირებით მოლაპარაკებების მორიგი რაუნდი გაიმართა

 ბუდაპეშტში 15-16 დეკემბერს „საქართველოს მთავრობასა და უნგრეთის მთავრობას შორის ინვესტიციების ხელშეწყობისა და ურთიერთდაცვის შესახებ“ შეთანხმების პროექტის ტექსტთან დაკავშირებით  ორმხრივი მოლაპარაკებების მორიგი რაუნდი გაიმართა. 

ეკონომიკისა და მდგრადი განვითარების სამინისტროს ინფორმაციით, საქართველოს დელეგაციას  საქართველოს ეკონომიკისა და მდგრადი განვითარების მინისტრის მოადგილე გენადი არველაძე  ხელმძღვანელობდა.

უწყების ინფორმაციით, გენადი არველაძესა და უნგრეთის  ეროვნული ეკონომიკის სახელმწიფო მდივან იშტვან ლეპშენს შორის გამართულ ორმხრივ შეხვედრაზე აღნიშნული მოლაპარაკებების მსვლელობისას შეთანხმების პროექტის ტექსტთან დაკავშირებით მიღწეული შედეგები განიხილეს. 

შეთანხმების გაფორმება ხელს შეუწყობს უნგრული ინვესტიციების განხორციელებას საქართველოს ეკონომიკის სხვადასხვა სფეროში.

(NS) 

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი